👉 రైతు భరోసా కేంద్రం (RBK) లో 7,384 పోస్టులు భర్తీకి ఏపీ ప్రభుత్వం గ్రీన్ సిగ్నల్ ఇచ్చింది, త్వరలో నోటిఫికేషన్ జారీ చేయనున్నది. ఇది ఏపీ నిరుద్యోగులకు గొప్ప శుభవార్త.
👉 RBK పరిధిలో ఖాళీగా ఉన్న పోస్టుల భర్తీ కోసం చర్యలు చేపట్టింది. 660 మండలాల్లో 10, 778 ఆర్బికేలు ఏర్పాటు చేయగా వీటిలో 14, 347 మంది సేవలు అందిస్తున్నారు.
👉 ఈ క్రమంలో ఇంకా శాఖల వారి ఖాళీగా ఉన్న 7,384 పోస్టులను కూడా భర్తీ చేయనున్నారు. ఈ మేరకు RBK ఏర్పాటు సమయంలో మంజూరు చేసిన పోస్టుల సంఖ్యను బట్టి శాఖల వారిగా ఖాళీలను గుర్తించారు.
👉 అత్యధికంగా 5,188 పశుసంవర్ధక సహాయక పోస్టులు ఖాళీగా ఉన్నాయి. వీటి తర్వాత 1,644 ఉద్యాన, 467 వ్యవసాయ, 63 మత్స్య, 22 పట్టు సహాయకుల పోస్టులు ఖాళీగా ఉన్నట్టుగా లెక్క తేల్చారు.
👉 ఏపీపీఎస్సీ ద్వారా ఈ పోస్టులను భర్తీ చేయనున్నారు. వీటికి త్వరలో నోటిఫికేషన్ ఇచ్చేందుకు ప్రభుత్వం కసరత్తు చేస్తోంది.
👉 ఏపీలోని నిరుద్యోగులకు జగన్ సర్కార్ శుభవార్త చెప్పింది. విత్తు నుంచి విక్రయం వరకు అన్నదాతలకు విశేష సేవలు అందిస్తూ దేశానికి ఆదర్శంగా నిలిచిన వైయస్సార్ రైతు భరోసా కేంద్రాలను మరింత బలోపేతం చేసే దిశగా రాష్ట్ర ప్రభుత్వం అడుగులు వేస్తోంది.
