👉మురళీనగర్: ఇంటర్మీడియట్ అనంతరం ఫార్మసీ రంగంలో శిక్షణ పొందేందుకు డిప్లమా ఇన్ ఫార్మసీ కోర్సు అందుబాటులో ఉంది. ఈ కోర్సు ప్రభుత్వ పాలిటెక్నిక్లతో పాటు కొన్ని ప్రైవేటు పాలిటెక్నిక్ కళాశాలల్లో కూడా నిర్వహిస్తున్నారు.
👉ఈ కోర్సు చేసిన విద్యార్థులకు క్యాంపస్ ప్లేస్మెంట్స్తోఫార్మసీ కంపెనీలతో పాటు ప్రైవేటు ఆస్పత్రుల్లో పనిచేసే అవకాశం ఉంటుంది. ప్రభుత్వ రంగం ఆస్పత్రుల్లోనూ ఉద్యోగావకాశాలు ఉన్నాయి. ఈ కోర్సు పూర్తి చేసిన వారు తక్షణ ఉపాధి అవకాశాలు పొందవచ్చు. కంచరపాలెం
ప్రభుత్వ పాలిటెక్నిక్లాంటి కాలేజీల్లో విద్యార్థులకు ఉపాధి అవకాశాలు కల్పించడంలో ఉత్తమ ఫలితాలు సాధిస్తున్నారు.
👉కోర్సు కాల వ్యవధి: రెండేళ్లు. అనంతరం మూడు నెలల ప్రభుత్వ ఆస్పత్రిలో శిక్షణ ఉంటుంది.
👉అర్హత : ఇంటర్మీడియట్ ఎంపీసీ లేదా బైపీసీ, నేషనల్/ స్టేట్ ఓపెన్ స్కూల్ లో ఇంటర్మీడియట్ ఎంపీసీ లేదా బైపీసీ, సీబీబీఎస్ఈ /ఐసీఎస్ఈ బోర్డు ద్వారా ఇంటర్మీడియట్కు సమానమైన పరీక్ష ఉత్తీర్ణులైన విద్యార్థులు అర్హులు.
👉ఎంపిక విధానం:
కోర్సులో శిక్షణకు దరఖాస్తు చేసుకున్న విద్యార్థుల మార్కుల ఆధారంగా రాష్ట్ర ప్రభుత్వ సాంకేతిక విద్యాశాఖ నిర్ణయం మేరకు మెరిట్ ప్రాతిపదికగా ర్యాంకులు కేటాయిస్తారు. కౌన్సెలింగ్కు హాజరైన విద్యార్థులు అవకాశాలను బట్టి కళాశాలలను ఎంపిక చేసుకోవచ్చు.
👉కళాశాలల వివరాలు:
రాష్ట్రంలో 8 ప్రభుత్వ కళాశాలలు, ఒక ఎయిడెడ్ కళాశాల, 35 ప్రైవేట్ కాలేజీలు ఉన్నాయి. కోస్తాంధ్రలో విశాఖ ప్రభుత్వ పాలిటెక్నిక్, శ్రీకాకుళం, కాకినాడ, గుంటూరు మహిళా పాలిటెక్నిక్, రాయలసీమలో తిరుపతి, కర్నూలు ప్రభుత్వ పాలిటెక్నిక్, కడప, హిందూపూర్ ప్రభుత్వ మహిళా పాలిటెక్నిక్, తిరుపతిలోని శ్రీ పద్మావతి మహిళా ఎయిడెడ్ పాలిటెక్నిక్.
👉పాఠ్యాంశాలు:
ఆంగ్ల మాధ్యమంలో బోధన ఉంటుంది. ప్రథమ సంవత్సరంలో ఐదు సబ్జెక్టులు, రెండో సంవత్సరంలో ఆరు సబ్జెక్టులతో పాటు కోర్సులో భాగంగా మందులు తయారు చేయడం, మానవ శరీర అవయవాల మీద మందులు పని చేసే విధానం, ఔషధ మొక్కలు, ఫార్మసీ చట్టాలపై అవగాహన, ఫార్మసిస్టుగా డ్రగ్స్ డిస్పెన్సింగ్, పేషంట్ కౌన్సిలింగ్లో అవగాహన కల్పిస్తారు. రెండేళ్ల కోర్సులో సబ్జెక్ట్ నాలెడ్జ్ పాటు ప్రాక్టికల్స్ ప్రత్యేక శిక్షణ ఇస్తారు. రెండు నెలలు కోర్సు పూర్తి చేసిన అనంతరం మూడు నెలలు ప్రయివేటు ఆస్పత్రుల్లో శిక్షణ ఇస్తారు.
👉 దరఖాస్తులకు చివరి తేది : జూన్ 15,2024
👉Website : https://apsbtet.in/pharmacy
👉ఇటువంటి ఉద్యోగ సమాచారం కోసం కింది టెలిగ్రామ్ గ్రూప్ లో చేరండి.
👉Telegram Link:
